Protekshon internashonal (Art. 3 CEDH) na Kòrsou: kiko e tribunal ta eksigí
Kiko ta e protekshon aki?
Kòrsou no ta un país ku ta duna asilo fásilmente, pero e ta mará na e Tratado Europeo di Derechonan Humano (EVRM na hulandes). E Artíkulo 3 di e tratado aki ta prohibí deportashon di un persona si tin un riesgo real di wòrdu torturá òf someté na tratonan inhumano òf degradante den su pais di orígen. Esaki ta e base pa loke hende ta yama 'pèrmit di asilo' òf protekshon internashonal na Kòrsou.
Pakiko mayoria ta faya?
E huesnan ta masha estrikto. Bo no por djis bisa 'mi pais ta peligroso' òf 'tin krísis ekonómiko'. Bo mester proba ku bo, personalmente, ta kore peliger. E prueba mester ta obhetivo i dokumentá: denunsianan na polis, pruebanan médiko di maltrato, òf pruebanan di persekushon polítiko direkto. Sin esakinan, korte ta konsiderá e relatonan komo 'no sufisientemente plausibel'.
E konsekuensia di e prosedura
Mientrastantu ku bo petishon ta wòrdu tratá, bo no por wòrdu deportá. Esaki ta pone ku hopi hende ta usa esaki pa gana tempu, pero bo mester sa ku e no ta duna bo derecho pa traha lagalmente. Si e veredikto final ta negativo, bo mester sali mesora, i e por kousa ku nan deklará bo persona non grata. Bo por lesa mas riba e sentensianan di deportashon i persona non grata.