Detenshon migratorio na Kòrsou: bo derechonan segun 15 sentensia hudisial
Detenshon no ta nifiká deportashon outomátiko
Si polis gara bo riba kaya sin papel, nan ta hiba bo barak (sentro di detenshon pa ilegalnan). Pero detenshon no ta final di e wega. Segun leinan i sentensianan resien, e detenshon mester tin komo meta úniko pa prepará bo deportashon. Si e gobièrnu no ta trahando aktivamente riba bo buelo òf bo dokumentonan di biahe, e detenshon ta bira ilegal.
E límite di tempu
Un detenshon migratorio no ta un sentensia di prizòn pa un delito. Por lo general, si despues di algun siman e outoridatnan no por logra deportá bo (por ehèmpel, paso e fronteranan ta será òf bo pais no ta duna dokumento), bo abogado por pidi hues pa laga bo liber. Tin vários sentensia kaminda hues a ordená libertat paso no tabatin e 'zich op deportatie richten' (enfoke aktivo riba deportashon).
Bo derecho na abogado
For di e promé dia, bo tin derecho di papia ku un abogado. Si bo no tin un, gobièrnu mester apuntá unu di ofisio (pro deo). No firma dokumentonan ku bo no ta komprondé, spesialmente si nan ta na hulandes i nan no a tradusí nan pa bo. Firma un 'vrijwillige terugkeer' (regreso boluntario) por parse e mihó salida e momentu ei, pero e por tin konsekuensianan largu si bo tabata ke bringa bo kaso pa keda. Buska asersoria promé.